查小欣組團 港式麻將館探秘

話說《晴報》專欄作家查小欣早前為香港第一麻將家族「雞記」寫咗本書，黛安聽完覺得好有趣，話咁大個女都未入過去麻將館睇下。

小欣姐話諗諗，點知真係約到，由原先幾個人湊熱鬧，變成廿幾人嘅觀光團。上星期六去咗新蒲崗一間麻將館參觀。我哋先可以大開眼界！

原來麻將館每日營業12個鐘，一般由中午12點開到午夜12點，所以當日我哋有機會喺朝早入去，都算難得。一入門口，黛安看到現場環境好乾淨，跟我們以前的印象十分不同。聽小欣姐介紹經營麻將館嘅人仲要被「查三代」，證明係身家清白先可以做生意㗎，且發牌嚴格，年年續牌，又不可隨意搬舖。那天一訪，將我們以前給江湖電影做出來嘅麻將館形象徹底改觀。原來業界亦為保形象，自2007年起不外借拍江湖片。

難得來到麻將館，我們立刻玩番幾鋪。來之前個個自稱賭神、魚腩，孰真孰假當然要打過先知。查實當日黛安都唔知自己打緊台灣牌定東莞牌，只知有牌一定要碰，不能夠上牌，凡係「槓」仲即刻有錢收，分分鐘比食糊賺得更多。當日食糊最多要數Michelle（盧覓雪），可惜最後計計籌碼都輸，事關同枱嘅黃大鈞係咁「槓」，卒之佢出綫參加麻將王決賽。雖然每人只打得幾舖，但大家都玩得好盡興，而且長了知識。

臨走時，小欣姐仲送向每人送出一本新書。不過我哋出到門口先發現未有小欣姐簽名，於是大家齊齊喺門口排隊攞佢簽名，連路過街坊部唔知發生甚麼事，好好笑。