手機畀錢獲$75獎賞 支付寶 x 麥當勞推優惠

今時今日電子貨幣使用愈來愈方便，快捷之餘仲有額外優惠。黛安最近就收到風，AlipayHK（支付寶）與麥當勞聯手推出「滋味三重賞」，由下月1日到30日，用支付寶買麥當勞，隨時可獲得最高價值75元的獎賞。

今次聯乘獎賞計劃包括「迎新賞」、「專屬賞」同「印花賞」，無論新舊用戶都可享受不同優惠。以「印花賞」為例，客人在指定香港麥當勞餐廳﹙沙田馬場及跑馬地馬場餐廳除外﹚成功付款，就可獲贈電子印花乙個。每位用戶每天限獲1個，最多可獲3個印花。集齊3個印花即可於電子錢包換領15元電子現金券。但黛安要提提大家，每位限領獎賞1次，單一購買食品滿30元，又以電子錢包付款就會有。

黛安同支付寶服務合資企業行政總裁陳婉真傾開，佢話相比其他城市，香港市民仲係屬於流動支付嘅學習階段，希望推出呢個優惠吸引更多消費者接觸支付寶。其實用流動電子貨幣既簡單又環保，黛安素來都係最潮一族，等我快啲同啲姊妹share先。