旺角新蒲點 領展T.O.P主打韓風品牌店

好多年輕人放假都鍾意去旺角聚腳，貪旺角有得食有得玩。黛安就聽領展姊妹講，原來6月開幕、位於旺角彌敦道700號嘅新商場「T.O.P This is Our Place」，將會開韓國時裝王國Aland嘅旗艦店，佔地成萬呎，堪稱全港最大，有成超過80個韓國時裝品牌會進駐，一站式幫你塑造「最韓式」嘅造型！

姊妹仲話，除咗韓牌，商場仲會引入日本同本地年輕潮流嘅尖端品牌，實滿足到各大shopping粉絲要求。行得攰仲可以喺商場嘅「放空花園」休息下，夠晒自由同chill out，勁夾成個商場「#愛Hea又如何」嘅主題。步入夏季，黛安梗係識揀去邊歎住冷氣開心玩啦。