薛家燕生日恨開紅館騷

薛家燕為慶祝68歲生日，前晚在銅鑼灣舉行生日派對，家燕姐三個仔女現身為媽咪賀壽，即將結婚的囝囝Jackson更帶同未婚妻及未來親家一齊到賀。家燕姐笑言很高興未來親家由英國返港出席她的生日會，談到生日願望，她說︰「好感恩今晚（前晚）係雙喜臨門，除咗係我生日，嚟緊六月我就做奶奶，有好多朋友嚟到，包括我嘅學生，大家都好錫我、好畀面。」她已入紙申請紅館檔期，希望如期今年開騷慶祝入行60周年。

另外，陳浩民與太太齊齊到賀，笑言夫妻最近忙於輪流出席小朋友學校的親子旅行和運動會，「有機會可以一齊玩下，認識多啲都好嘅。」

攝影︰林良明

編輯︰李潔盈