參與城市定向 捐卡路里分享食物

大家復活節假期有咩節目？黛安就參加咗由社企「膳動衡」（FOODSPORT）主辦嘅第二屆「食物救援－城市定向挑戰賽2018@九龍東」，同超過400人喺九龍東完成各種任務，成功幫受惠機構「膳心連基金」籌到189,182千卡路里，大會將其轉換成糧食（約945碗飯），今個月21日會喺天水圍舉辦「食物分享義工活動」，將食物分享畀區內有需要人士。

當日嘅比賽相當刺激同有挑戰性，大會設立唔同嘅「黃金時段」，參加者只要喺黃金時段內於某指定區域完成任務，就有機會獲雙倍分數。

前香港野外定向同單車隊運動員梁志恆、長跑好手莫紫凌、香港空手道運動員鄭子文等更以「星級食物救援隊伍」參賽，身體力行幫助有需要人士。