基仔寧與黃牛黨攬炒

闊別紅館七年，古巨基將於5月11至13日舉行紅館個唱，昨日基仔在記招上宣布加開14日一場。提到近日黃牛黨猖獗，基仔特別呼籲歌迷不要買炒飛，表示寧願滿場吉位，也不願讓黃牛黨得逞。

基仔昨日舉行世界巡迴演唱會「香港站特別版」記招，個唱門票今日公開發售，會否擔心遭黃牛黨搶購一空？基仔呼籲歌迷不要買黃牛飛。至於開售時會否出現「絕望座位表」，他苦笑謂自己只是表演者，對於座位情況不太了解，一身飛債也只能交給太太兼助手Lorraine處理。提到好友黃子華公開指摘黃牛黨，表示寧願見到吉位也不願Fans花幾倍價錢買票捧場，基仔說︰「非常贊同，我寧願同黃牛黨『攬炒』，台下啲位由佢『吉』！呢樣係供求問題，無人買，炒風就會慢慢熄滅。（贊成實名購票？）可行的話當然贊成。」

分享婚後生活照

問到屆時個唱會否邀請太太Lorraine破天荒上台？基仔肯定笑說︰「一定唔會，佢平時見到鏡頭都走夾唔唞。」不過他正構思在舞台上分享與太太婚後的生活照，但不會讓太太先行過目內容，他笑謂︰「費事嚇親大家！但當然太太樣靚身材正啦！」

採訪︰Pauline

編輯︰李潔盈

美術︰招潤洪