小朋友發揮想像力 砌出「幻想遊樂場」

好多父母都想仔女贏在起跑綫，但要點樣起跑呢？黛安覺得小朋友嘅早期發展最重要有3個要素，包括「營養」、「遊戲」同埋「關愛」，由聯合國兒童基金香港委員會主辦、東港城合辦嘅「細路愛玩營」就一次過滿足晒呢3個願望喇！

佔地超過3,000呎嘅「細路愛玩營」設喺東港城一樓展覽場，分咗3大專區，包括幻想遊樂場、模擬家居探索區，同埋兒童早期發展專區，開放期由即日至今個月15號。其中幻想遊樂場就會因應唔同年齡小朋友嘅需要，分成兩個活動區，形狀唔同嘅巨型藍色積木會散落喺唔同地方，等小朋友發揮想像力，砌出心目中最有趣嘅遊樂場，等佢地透過玩遊戲激發想像力同創意，如果想玩呢個遊樂場係要預先登記，詳情可瀏覽︰http://www.unicef.org.hk/eatplaylove/。

黛安仲知道，除咗可以「入營」玩，每逢周末都會有親子工作坊，導師會分別以營養、遊戲同關愛做主題，分享關於兒童早期發展嘅心得，啱晒一家大細齊齊去呀！