愛心曲奇義賣 籌集善款助匡智

就快到母親節，黛安已經諗到買咩禮物喇！事關一年一度嘅「匡智慈善曲奇義賣2018」由即日起至4月20日，就會接受公開優先預訂限量版慈善曲奇！黛安知道，匡智會屬下嘅社企餅房hc:Bakery特別為今年義賣活動炮製全新櫻花曲奇，每盒愛心價$40，淨重90克，曲奇盒係由本地著名插畫師John Ho設計，盒內仲送上一張由匡智學員親手繪畫嘅精美心意卡！

今年慈善曲奇義賣所籌得嘅善款，將會用作支持匡智會匡扶智障嘅工作同埋非津助項目，等智障人士有機會發展潛能，回饋社會。預購或查詢可致電︰2661 0709或Whatsapp︰9311 9651。做善事之餘又可以令媽媽開心，真係一舉兩得！

慈善曲奇將於今個月17日起喺指定匡智會社企有售，其中包括灣仔嘅香港辦事處、大埔同埋科學園嘅hc:Café。