「慎選配方奶粉 寶寶腸胃不再過敏」

作為媽媽，當然會為BB嘅健康、飲食費神，BB嘅便便已成為媽媽關注嘅課題，BB一病更加令媽媽寢食難安！現時好多媽媽支持母乳餵哺，希望比寶寶最好嘅，但對無法母乳餵哺嘅媽媽而言，揀奶粉係另一個頭痛議題。

揀奶粉有咩要注意?邊種奶粉先最啱自己嘅BB?仲有近年備受媽媽界熱捧嘅羊奶粉究竟好唔好?係咪真係敏感體質BB救星?網上傳聞話羊奶對敏感體質嘅BB好，但亦有另一極端嘅人話只有敏感體質才飲得羊奶。我哋會一連4個禮拜同媽媽分享吓揀奶粉背後嘅要點。

首選優質奶源

奶粉不單係比BB飽腹，對身體及智力發展都有重要影響，所以媽媽為BB選擇奶粉時，亦要優先考慮奶源係咪安全可靠。近年環境污染嚴重，所以空氣好、環境天然嘅生產地一定係首選考慮。新西蘭氣侯怡人、空氣清新、幅員廣大、少污染，仲係出名嘅羊之國。因地利關係，新西蘭農場可採用天然放牧模式飼養山羊同乳牛，奶源天然純淨優質，相比起喺牛棚養殖嘅乳牛，所生產嘅乳製品自然優質得多。

奶粉點先容易消化?

消化不良會令BB吸收唔到所需營養，更有機會引致便秘或肚瀉，呢個時候媽媽可以考慮幫BB轉飲羊奶粉，因為羊奶內嘅中鏈脂肪酸(MCFA)比牛奶多好多。中鏈脂肪酸容易被人體消化吸收，為人體提供能量。所以BB飲用含有多中鏈脂肪酸嘅羊奶粉，就較容易消化吸收，減少便秘、肚痾消化等問題；吸收得好，身體自然夠抵抗力，病都少啲。

及早預防過敏

好多BB對牛奶呈敏感反應，當中可能係身體嘅免疫系統將牛奶蛋白視為敏感源，而導致身體出疹或腹瀉。容易造成身體敏感反應嘅蛋白為αS1-酪蛋白，母乳中則不含這種蛋白成份。αS1-酪蛋白嘅蛋白結構較大，不易消化，且有致敏性；牛奶入面嘅αS1-酪蛋白約有43%，而羊奶只含少於一半嘅份量，所以飲羊奶對於預防過敏、減低BB腸胃不適或濕敏機會相當有效。媽媽們切記唔好等到BB出現問題先諗方法解決，反而要行前一步，先為BB作出預防。所以除咗敏感體質嘅BB，一般BB亦要防範於未然，可以嘗試飲用羊奶粉，預防出現敏感癥狀機會。BB吸收充足營養，身體健康唔再郁啲就病，媽媽都少啲擔心啦！

（資訊）