陳柏宇爬頭當爸 柏豪有造人大計

陳柏宇（Jason）跟符曉薇（Leanne）結婚不足一年，前日Jason在IG貼了一張超聲波相，並留言︰「Guess what！」藉此公布太太有喜，獲好友及Fans留言恭賀，而Leanne更預告今日公開BB性別。

周柏豪、林奕匡（Phil）及關楚耀等歌手昨日出席《饑饉30》活動，周柏豪得知柏宇做老竇，已向他私下求證，還笑他是一位「快槍手」，柏豪說︰「我同佢一齊大，依家我榮升叔叔。」幾時輪到他報喜？柏豪直認已有計劃及「造人」時間表，追問他到時會否像結婚般低調？柏豪續稱︰「呢個年代好難掩飾，但都唔想用呢件事做賣點。」

其實早前陳柏宇出席林奕匡婚禮，已自爆有機會好快做爸爸。而林奕匡亦已恭喜對方，Phil表示：「我見證佢哋由最初約會到結婚、生小朋友，時間過得好快。」Phil笑言剛度蜜月返港，要畀多點時間太太，二人不心急生BB。

撰文︰Pauline

攝影︰林良明

編輯：陳禮恒

美術：梁政敏