鄧達智屏山Cafe123 五香肉丁煎蛋無得彈

黛安上星期六去咗屏山文物徑郊遊，順道去好友時裝設計師鄧達智（William）開嘅Cafe123食堂食中午飯！黛安喺fb知道William返去Cafe123，嗰日去到，好彩William有幫手留位，因為現場坐無虛席，夠曬熱鬧啊！

黛安3個人卻叫咗5樣菜，因為實在太吸引，而且William仲親自下廚，有印尼咖喱蝦米粉、五香肉丁蛋飯，欖菜肉碎四季豆、黑松露煎蛋厚多士同咖喱豬扒。看似家常便飯，內裏絕不普通，色、香、味俱全，好吃到每樣都食到「見底」先罷休。William仲教黛安兩招，話五香肉丁煎蛋嘅蛋要慢煮輕「拋」，千祈唔好「猛火大炒」。

William係4月生日嘅，嗰晚佢就同一班朋友，當然有佢嘅好朋友陳醫生、仲有《晴報》專欄作家Cally和《晴報》娛樂版阿姐Yens，去咗香港仔珠記開始連環慶生的序幕，大家都好開心！