許志安難忘柬埔寨探訪

《饑饉三十》前晚在香港仔運動場舉行閉幕禮，許志安神秘現身，並首次公開獻唱新歌《Remember Me》，為音樂會掀高潮，安仔更為營友打氣。

許志安曾多次參加《饑饉三十》，認為活動真正的意義是關心別人，他在受訪時分享最難忘的一次饑饉經歷。「家姐成日做呢類慈善探訪，所以我會一齊去。印象最深刻的一次係2001年饑饉，當年喺山頭做音樂會，由日落唱到夜晚，嗰年我去咗柬埔寨探訪，最難忘見到居民生活喺垃圾山，之後就寫咗首歌叫《垃圾天堂》。」

許廷鏗饑饉當排毒

許廷鏗（Alfred）笑言大家都以為他想減肥，才參加饑饉活動，Alfred澄清︰「饑饉嘅意義唔係為瘦，係感受好多人每日面對嘅困境，身為公眾人物，唔可以誤導大家有呢個錯誤嘅觀念。減肥係需要，但可以有更健康嘅方法。」他又透露饑饉時只是飲水及羅漢果水，感覺良好，有排毒的感覺。

撰文︰Pauline

編輯：陳禮恒

美術：梁政敏