6月剖腹生B 蔣怡曾因肚細勁傷心

蔣怡與張可頤昨日出席美容活動，目前懷孕七個多月的蔣怡，雖然肚凸凸，但手腳依舊相當纖瘦，她坦言已努力增磅，但早前不時被人說肚子太細，令她十分傷心。

預產期在六月中的蔣怡，表示將會剖腹誕下男B，又指大女十分期待弟弟出世。她提到身形時說：「我陀第一胎時偏瘦，今次第二胎正常好多，但我生得高，着鬆身衫就睇唔到肚，人人都話我肚細，我好唔開心，無人理解我努力，依家大家話我個肚大咗好多，好有成就感。」

熊黛林傳陀孖女

此外，昨日有報道指去年11月宣布懷孕的熊黛林（Lynn），原來是接受人工受孕成功陀孖女，預產期為下月初。據知一直想為郭家繼後香燈的Lynn，有意誕下孖女後，調理好身體再懷孕，希望盡快生個男丁。

撰文：Pauline

編輯：李潔盈

美術：梁政敏