一田精緻便當 享野餐家庭樂

春天又到喇，黛安每逢周末行過公園都會見到好多一家大細坐喺草地野餐，享受家庭樂！講到野餐，當然唔少得買材料準備精緻嘅便當啦！黛安知道，全綫一田超市由即日至下周二（17日）舉行「春食日和」日本食品祭，引入咗好多款日本最新嘅美食，黛安都眼前一亮。

其中包括極罕嘅奈良三色草莓，同埋利用日本時令草莓製作嘅草莓厥餅。仲有Uncle Tetsu草莓櫻花芝士蛋糕（1磅半），蛋糕面嘅啫喱凝固咗鹽漬櫻花，由花瓣帶出咗甘鹹風味，而芝士蛋糕仲特選咗澳洲忌廉芝士再混合上等忌廉同草莓製成，「芝」味夠濃郁，甜膩又適中，但只限將軍澳店有售；仲有期間限定春櫻壽司便當，啱晒一班「草莓控」同「櫻花控」！

仲有啱晒一班懶人嘅即開即食藻鹽檸檬蠔肉罐頭，再配合埋OL熱捧嘅骨膠原無酒精啤酒，簡直一流！黛安鎖定咗其中Suntory推出嘅All-free骨膠原無酒精啤酒，因除咗無糖同零卡路里之外，仲加入咗膠原蛋白成分，簡直係貪靚人士嘅恩物！

食品祭仲推出咗萌爆嘅叮叮Hello Kitty／蛋黃哥芝士焗雜菜，叮40秒就食得喇，造型可愛，一定好容易吸引到小朋友食！