項明生赴緬甸 為貧困家庭建新居

黛安一向都好欣賞會做善事嘅人，其中包括旅遊達人項明生（James）！黛安知道，James喺上個月9至16號去咗緬甸勃固，參加國際非牟利房屋組織仁人家園嘅「青年領袖建屋之旅（緬甸篇）」，同另外8位香港義工，仲有64位日本大學生義工，一齊為8戶貧困家庭起新屋。

喺呢8日裏，James身體力行，負責傳磚、砌磚、攪水泥同埋削竹枝，睇James平時官仔骨骨，但砌起磚上嚟都有板有眼。James喺交屋儀式嘅時候，仲送上義工們嘅畫作同祝願戶主︰「如竹般剛毅自強，在新竹屋重過新生。」