戀床派的陳淑「豬」

收到聽眾傳給我的一張圖，教人怎樣做戀床派，及怎樣享受復活節假期。「一、唔到中午12點都唔起床；二、喺床度睇電話睇成日；三、夜晚唔到一點都唔瞓覺；四、朋友約都唔出街；五、枕頭同被就係你愛人……」然後每到假期便無限loop。

之後聽眾在圖片下問一句：「請問你有無識得人會咁做？」「吓？」我以為他知道我就是這種人，才傳這張圖片來揶揄我呢。識得我的朋友已將我的名改為陳淑「豬」，因為瞓覺同賴床對我來說真的很重要！以前我會將我的狗狗全部抱上床與我大被同眠，好熱鬧、好有安全感。但隨着牠們老了，怕跳落床時整親，我惟有孤枕獨眠，但我依然感覺幸福。

如果連續兩星期都找不到一天瞓晏覺，我會病的。所以睡個好覺真能幫助人抵抗疾病。專家說睡眠不夠，人體內的壓力激素會升高，發炎情況和免疫系統功能會降低。如果長時間睡眠不夠，精神和體力不支，會變得容易發怒、焦急煩躁、記憶力減退及注意力不集中導致精神分裂。

年紀漸大，若想維持面色紅潤又好氣色，人體內的成長激素功不可沒。美國心臟外科專家說，成長激素的水準在20歲到60歲之間逐年下降，它令人有返老還童的感覺。如果體內這類激素足夠的話，你的肌肉將更結實，皮膚會變好，令整個人看起來更有魅力。這些成長激素可以從睡覺中獲得。

又有研究顯示，當身體睡眠不足時，體內的「飢餓素」會上升，「瘦體素」會下降，這些都會影響身體的新陳代謝，令減肥失效。

相信無人會否定睡覺的好處，但我知道並非人人好似我咁好彩，是豬托世咁瞓得。究竟點解陳淑「豬」可以瞓得咁酣呢？等我一個禮拜，下回分解！

（本欄逢周四刊登）