「印度劉華」遇上劉華 阿米爾汗華仔熱情攬攬

印度國寶級巨星阿米爾汗（Aamir Khan）夥拍少女演員薩伊拉華森（Zaira Wasim）主演的《打死不離歌星夢》在港上映，兩人專程來港，昨午到太古城出席宣傳活動與粉絲見面。由於阿米爾汗被稱為「印度劉德華」，大會特別邀請劉德華出席活動，二人首度同場惺惺相惜。

兩位巨星吸引近千位粉絲在現場等候，幾乎迫爆商場，當中不乏印度Fans，一見「同鄉」阿米爾汗即興奮大叫。華仔在台上跟阿米爾汗擁抱、握手及合照，問到大家可有欣賞對方的電影？華仔說︰「我知道要同阿米爾汗同台，睇番好多佢以前嘅電影，大家都講印度有個似華仔嘅人，我想同大家講，佢入行早過我，大家應該叫我『香港Aamir』。」華仔又稱特別喜歡對方主演的《來自星星的PK》。

阿米爾汗聞言亦謙稱︰「我1973年已開始拍戲，好開心被稱為『印度劉德華』，本身也看過劉德華主演的電影《無間道》，很欣賞他。」及後，兩人互相用自己語言教對方講「你好嗎」，聰明的阿米爾汗一聽即學懂粵語發音，然後他再教華仔講「I love you all very much」及「你好靚仔」的印度語，華仔聞言即搞笑得戚地表示︰「我慣咗畀人咁叫！」

自薦為華仔伴舞

活動後，二人一同接受訪問，提到大家相似的地方，阿米爾汗表示覺得彼此的眼神最似，華仔認同說︰「大家眼神都有善意！」他們希望有機會跟對方合作，期待有高質劇本，可會考慮合唱？阿米爾汗說︰「我唱歌不太好聽，可能幫華仔伴舞。」

採訪︰Pauline

編輯︰李潔盈

美術︰梁政敏