情陷錄影廠 心穎馬明探班當拍拖

無綫新劇《丫鬟大聯盟》前晚舉行煞科宴，黃心穎、洪永城（Tony）、湯洛雯等也有出席。戀情逐漸浮面的心穎，提到男友馬國明即變得甜絲絲，更坦承馬明曾經買外賣探班。

黃心穎透露與洪永城在劇中有很多離離合合，Tony則說最辛苦是心穎，幾乎每場戲都有她，大家無論開工收工都見到心穎。問她是否沒時間與馬明拍拖？她說︰「都有見到，佢喺隔籬廠開工，夾到時間會一齊食飯。（馬明探班「萬歲」？）佢有買嘢畀我食，不過無理由要佢照顧埋我個廠。」心穎又透露將放假一個月，打算和家人去旅行，但馬明屆時應該要開工。

洪永城自稱賀歲王

新劇預計是明年賀歲劇，已非首次拍賀歲劇的Tony笑言︰「可能公司覺得我笑容可以同大家拜年，我係賀歲王，但唔代表高收視。不過，新年期間做宣傳，派得愈多利市畀大家，代表我愈旺。」

稍後，Tony要準備拍新劇《多功能老婆》，他將與朱晨麗飾演一對。提到首次與楊千嬅合作，Tony自言細細個已經睇千嬅同黃浩然做戲，好期待一齊拍劇擦出火花。

撰文︰Pauline

編輯：陳禮恒

美術：梁政敏