姜皓文甘做老婆出氣袋

「最佳男配角」姜皓文（黑仔）前晚在頒獎台上，表示太太金慧英經常做其出氣袋，他在慶功宴被問到會否願意倒轉身份？他即笑說︰「歡迎！太太好多嘢好就我，知我性格火爆，收埋好多嘢唔講，我好唔好意思，我想講我以後唔會再火爆，可以放心傾！」他自言忘記在台上多謝太太︰「不過老婆叫我唔好成日喺出面講佢，反而叫我要多謝合作過嘅人，佢比我更識大體。」

至於女配角得主葉德嫻，則透露想拍攝反映女性問題的電影︰「例如好多東南亞及非洲貧窮國家，有好多女性社會問題，例如販賣兒女、早婚等。我睇過一啲紀錄片，都有留言希望好似蓋茨（Bill Gates）呢啲咁聰明、咁有財力嘅人，可以出手幫佢哋。」