新航今明推限時優惠 $1259玩轉新加坡

新加坡航空公司（新航）最近被旅遊網站評選為全球最佳航空公司，搞到黛安都心癢癢想去試下坐，新加坡就係其中一個考慮地點。而新航為咗慶祝喺香港成立60周年，更推出限時機票優惠，喺今日同明日（17日-18日），新航開售即日至9月20日起程嘅優惠機票，已包稅商務票價為10,529蚊起；優選經濟票價3,889蚊起；經濟票價1,259蚊起。

新航嘅A380機型更推出咗4款新設計客艙，一共提供471個座位，包括咗6個頭等套房、78個商務客位、44個優選經濟客位同埋343個經濟客位。

新設計客艙嘅A380客機，每個星期有4日飛香港往新加坡嘅航綫，包括逢星期二、三、五同埋日。由5月1日起，呢個航班仲會每日飛香港同新加坡！連新加坡總領事館駐港澳總領事符秀麗都親身體驗過新客艙嘅服務，絕對有質素保證！

黛安仲知道，搭新航可以喺飛行途中欣賞到KrisWorld超過1,000部電影、電視同埋音樂節目等。大家睇完個限時機票優惠，係咪都想即刻飛番轉新加坡呢？如想了解更多優惠詳情，可以睇新航官網︰http://singaporeair.com或者透過SingaporeAir App預訂機票。