超蓮進軍飲食界 銅鑼灣開養生牛肉麵店

賭王何鴻燊「最索千金」何超蓮，人靚更有生意頭腦。最近她踩入飲食界，將台灣老字號「玖五牛肉麵」帶來香港。幾年前她到台北朋友家人開設的「玖五牛肉麵」試食，味道濃淡得宜，沒味精的湯底不會令人口乾，於是決定將這款養生牛肉麵帶來香港。

超蓮花了3年時間與台灣店的謝老闆洽談，終於取得全球代理權，於香港開設首間海外分店，更打算於5年內上市，誓要做「牛肉麵女皇」。由牛肉麵點煮、食材來源、珍珠奶茶沖調，她都落手落腳。為了港人食到100%台灣風味，廚師團隊飛到台灣學藝，又有台灣廚師駐場睇實品質。湯底用牛骨熬足2日做基本的牛骨湯底，再於牛骨湯上加入不同材料熬製，演變出紅燒、麻辣及番茄3款口味。

限定Secret menu

香港店增設獨有的番茄口味。番茄湯是由超蓮與媽媽及玖五創辦人共同調製，微酸清新，牛肉選用美國貨，牛𦟌用香料先炒香後加醬汁炆煮40分鐘，牛筋則先煮10小時再浸過夜，腍滑夠入味。麵條都是精挑細選，由香港麵廠按台灣店秘方製作。

超蓮最愛的是牛肉拌麵，用上粗身呈圓形的麵條配搭，可以與濃味的醬料取得平衡。餐廳還有台式麻辣臭豆腐、鴨血、台式滷味，以及用黑毛豬腩肉煮成的滷肉飯等。香港店有限定Secret menu，搵老友G.E.M.及霆鋒Crossover炮製牛肉麵，好期待呢！

玖五牛肉麵

地址︰銅鑼灣駱克道399號地舖

電話︰從缺

營業時間︰星期日至四，11:30am - 11pm；星期五及六，11:30am - 2am

平均消費︰$150

編輯︰余運慶

美術︰招潤洪