Visa夥DiDi 搭Call的可碌卡付款

電子支付喺香港愈來愈普及，依家連搭的士都可以無現金支付喇！Visa噚日宣布同Call的士App DiDi合作，大家以後用DiDi Call的士時，可以用Visa進行內端支付（in-app payment），只要喺Call車時喺「備註/支付方式」度揀番信用卡付款就得，仲唔收手續費𠻹，咁以後搭的士畀錢，就方便得多喇。

唔知大家有無試過搭的士嘅時候唔夠錢畀呢？黛安就試過好多次無散紙或者帶唔夠現金喺身，原來呢樣嘢好多人都試過！Visa港澳地區總經理Caroline噚日就分享最近嘅一個調查數據，原來45%港人試過搭的士帶唔夠現金，62%人試過只得「大紙」畀錢，46%有擔心過司機唔夠錢找。遲啲搭的士有得in-app用信用卡畀錢，就唔使再擔心呢啲問題啦！

Visa同DiDi仲會推出優惠，由今個星期五（20日）起連續3個星期五，喺DiDi Call車用Visa畀錢，每程可以有100蚊折扣優惠，每日最多兩程，即係3日加埋總共最多可以有600蚊折扣優惠！黛安已經裝左喇，未有DiDi嘅朋友快啲裝番個App喇！