新創建地質保育大使 開始招募

要保護生態，除咗動物同植物外，仲要保護佢哋嘅居所同生存環境，所以地質保育十分重要。新創建集團每年都會舉辦「青年地質保育大使」培訓計劃，透過體驗式同互動式學習，提高學生對地質嘅學習興趣，又可以擴闊視野，啟發創意思維，培育一班熱心地球科學同地質保育嘅青年大使。黛安知道，今屆嘅報名期又開始咗喇！

黛安聽新創建集團嘅公關姊妹講，培訓計劃除咗理論課之外，仲有地質公園考察、領袖訓練日營、跨境考察、推廣活動策劃等，上一屆嘅幾位青年大使最近就去咗貴州考察，遊覽織金洞聯合國教科文組織世界地質公園、黃果樹瀑布、關嶺古生物化石群國家地質公園，仲同當地學生交流，機會十分難得。

下學年升讀中四或中五，對地理、通識或旅遊科目有興趣嘅學生，可以喺5月25日或之前報名參加，詳情可以瀏覽http://geo.nws.com.hk，各位同學仔唔好錯過呀。