黛安
黛安

齊來「Goal Together」 信和獎你現場睇世杯

發佈時間: 2018/04/20

齊來「Goal Together」 信和獎你現場睇世杯

仲有唔夠兩個月就係四年一度嘅世界杯,黛安同一班姐妹已經約緊一齊睇波!聽公關姐妹講,信和旗下7個商場,即日起打造「Goal Together全城開波」主題活動,除咗同ViuTV合辦電視直播球賽派對外,仲有大抽獎,包括雙人來回俄羅斯機票酒店連世界杯門票,可以親身飛去現場睇波!

識睇波,當然要一班人一齊睇先開心!尖沙咀中心及帝國中心噚晚就為面積4,000平方米、由6.3萬顆變色LED燈組成嘅多媒體幕牆亮燈,信和集團租務部總經理畢嘉浩就話,每逢有大型足球賽事,唔少人都會去商場睇直播,「同屋企人或者朋友吃完飯,直落睇波」,仲帶旺商場嘅生意,所以今年用咗$3,000萬打造「Goal Together」活動。

其中,奧海城、屯門市廣場同荃新天地,會同ViuTV合辦電視直播球賽派對,一眾明星同ViuTV主持更會到場一齊睇波。畢嘉浩仲話,近年多咗唔少女球迷,所以屯門市廣場就邀請咗星級化粧師Allen Lee駐場,消費滿指定金額,Allen就會幫大家換上愛隊嘅粧容,又會教埋化粧技巧,至於男士,都可以畫上愛隊國旗。要影靚相呃like絕對無難度。

而活動亮點,仲有大抽獎環節!豐富獎品包括雙人來回俄羅斯機票、酒店連世界杯門票、全球限量KIA 5座小型揭背車Morning LX、$3萬信用卡免找數簽帳額、按摩椅等等。黛安都決定同班姐妹一齊去!

撰文: 黛安 消息特靈八卦公關
欄名: 八卦名利場