《無聲絕境》一嘈你就知死

究竟地球末日怎樣出現？何時降臨？或許是致命病毒所致，是天災橫禍，甚或是外星人侵略地球？近期新戲《無聲絕境》都有末世驚慄，而困局設定清晰簡單，有點似80年代港式殭屍片的Rules No.1︰暫時停止呼吸。不過今次玩「唔好出聲」，一嘈你就知死！其實，這亦是我在戲院裏，暗暗想同前後隔籬位講的心聲。

人紅自然是非多，電影賣座也如是。有外國評論指影片帶有政治隱喻，「只要滅聲你就能保命」，導演兼男主角約翰卡辛斯基當然否認，強調只想表達父母對子女無私的愛，特別是在危難關頭。

故事講外星生物來襲，主角一家既要撫平家庭創傷，又要機智地活下去。無得沖涼，無得沖廁，無得扯鼻寒，現代城市人捱得到嗎？當然情節有點不合邏輯，但勝在簡單易明，緊張氣氛一浪接一浪，還滲出親情大意義。

有些電影不能留待上網睇、出碟睇，隨時因為分心而大打折扣，正如《無聲絕境》最適合困在戲院睇。雖然對白極少，但電影語言卻甚豐富。