「吸收優質營養 增強抵抗力 做個健康BB」

為配合BB成長需要，市面上有形形色色嘅配方奶粉，媽媽可以根據BB需要作出選擇。但奶粉上嘅標籤咁複雜，睇邊啲先重要？有網上流傳，1歲前唔好比BB飲羊奶粉，最多飲到3歲就要停，究竟傳聞係真定係假？

對BB嚟講，脂肪係成長嘅主要能量及營養來源之一，所以奶內脂肪嘅質素就成為揀奶粉嘅重要考慮。但原來市面上大多數奶粉會先經脫脂製作，過程中抽取奶內嘅豐富營養成分，並製成高價值嘅產品，如芝士、牛油等。最後再喺脫脂奶當中加返乳清蛋白及其他BB所需營養，製成嬰幼兒配方奶粉。所以用呢種方法生產嘅奶粉，在罐上標籤會印有「Nonfat Milk Powder」嘅字眼。另一方面，有少數奶粉以全脂奶製作，生產過程中只需加入BB所需營養，生產程序簡單，營養更優質，咁樣BB自然吸收得更好。

羊奶粉獲歐盟認可

究竟飲用羊奶粉係咪有年齡限制？澳洲曾對一羊奶粉牌子進行臨床實驗，研究羊奶粉係咪適合BB飲用。研究結果證實，羊奶粉可為BB提供豐富營養，相等於母乳和牛奶粉，供BB健康成長。呢個研究成果亦被歐盟正式接納，認可羊奶粉可作為BB配方奶，適合嬰兒飲用，所以媽媽可以安心為BB選擇配方羊奶粉。

初生BB不宜飲用新鮮奶

BB所飲用嘅，無論係羊奶粉或牛奶粉，都已經過營養調整，為BB提供成長發育所需營養，當中包括蛋白質、脂肪、維他命A、維他命B2，以及鈣、磷、鈉、鉀、鎂等礦物質。如果初生BB飲用新鮮羊奶或牛奶，就欠缺部份營養，無法吸取足夠養分。

啟發寶寶自身防禦力

羊奶比牛奶含有更多種天然營養，當中包括天然上皮細胞生長因子（EGF），可以幫助BB口腔、食道、胃腸等上皮細胞生長及修復。而羊奶內嘅天然核苷酸（NUC），更有助BB自身免疫力嘅發展。另外，羊奶比牛奶含較多中鏈脂肪酸易於消化；較少致敏嘅α-S1酪蛋白，降低致敏機會。

（資訊）