重申絕不為B棄養愛犬 陳柏宇嬲老婆唔明苦心

陳柏宇（Jason）日前透露家中飼養的老虎狗及鬆獅狗，近來經常無故打架，由於太太符曉薇（Leanne）將於年底生B，Jason眼見愛犬不受教，坦言最壞打算將其中一隻狗寄養在朋友家。但不少網民誤會他想棄養，圍插他「要B唔要狗」，令Jason昨日大聲呼冤。

昨午Jason出席《WWF延續地球一小時》活動，談到被誤解因BB出世要「棄養」兩隻狗，他嚴肅地重申，將愛犬送到朋友家只是最壞打算，由始至終沒想過棄養：「我控制唔到網上輿論，依家不停諗辦法，避免行到呢一步（寄養）。我見到有好多愛狗之人熱烈討論，睇到有啲覺得唔理智，理性討論先係最重要，我依家搵相熟狗隻訓練員，教我點樣控制（狗狗打架），唔好令件事惡化，同埋改變餵飼方法。」

為狗狗打架失眠

Jason坦言最嬲不是網民看法，而是老婆一度誤會他想棄養，不明他用心良苦。「我養咗Bessie（老虎狗）十年，諗到最壞打算時其實好心痛，仲為呢件事失眠，但我最痛心係老婆唔識得企喺我嘅角度去諗呢件事。」他指，寵物咬人有先兆，若不及早控制愛犬行為，萬一將來傷及BB，有可能令愛犬被人道毁滅，所以他目前正找來狗隻訓練員幫助解決，務求同時保護妻兒及愛犬，不用將愛犬寄養。

問老婆Leanne現在是否明白他的用心？他笑說：「我都無心情講番，不過老婆知我嬲都有錫番我。」而Leanne昨日亦在網上發長文解釋，表明兩公婆不會棄養任何一隻寵物，重申只是擔心狗隻受傷才想辦法。她解釋，最壞打算是待BB出世後，先將狗狗交到好友家中寄養，待幾個月BB安定後便接狗回家，希望大家不要誤解其意思。

採訪︰Pauline

攝影︰林良明

編輯：李潔盈

美術：梁政敏