欣宜達成紅館夢 下一步結婚生仔

鄭欣宜（Joyce）實現多年夢想，一連兩晚的紅館騷《Break A Leg演唱會》前晚開鑼，她以一輪勁歌熱舞揭開序幕，唱《你瘦夠了嗎？》時更用左腳做出招牌動作「踢腿一字馬」，贏得全場掌聲。

欣宜舉行首個紅館演唱會，前晚獲大批圈中人捧場，包括父親鄭少秋、許廷鏗、胡鴻鈞、王祖藍及關心妍等。欣宜興奮表示夢想成真，並揚言要計劃第二個夢想，就是搵個Dream Guy結婚生仔。

她除了獻唱《女神》及《擁抱愛》等金曲，亦選唱了許志安、陳小春及謝霆鋒等「男神」的歌。欣宜大讚安仔是她心目中的SexyＭan，指安仔有雙迷人小眼晴，沙沙哋的聲綫很吸引。至於好友謝霆鋒，欣宜笑言︰「佢又Chok又識玩音樂，識煮嘢食唔會餓親我，但近年佢搞生意搞埋我嗰瓣，又係曲奇，如果佢願意收購我啲生意，或者收購埋我，都OK！」引來全場笑聲。

唱到最後落淚

首場嘉賓有謝安琪（Kay）及樂隊Supper Moment，Kay甫出場即拖着欣宜的手說︰「有句話我一定要講，我知妳有很多面，但無論哪一面，妳嘅人生都係美麗嘅。」

尾聲時，欣宜終於忍不住落淚︰「呢個騷有好多人幫我，但有一個好大遺憾，就係佢（肥姐）睇唔到我喺紅館第一個演唱會，朋友同我講成個過程佢一定喺度，陪住我跳、陪住我笑、陪住我喊。」最後，她唱出《給最開心的人》送給母親沈殿霞。

撰文︰Pauline

編輯：陳禮恒

美術：梁政敏