齊齊去時代廣場 挑戰比卡超

Pokémon係大家嘅童年回憶，黛安收到風，時代廣場會喺5月1號至6月10號舉辦「Pokémon嘉年華」！有Pokémon遊戲攤位、電子遊戲、儲印仔、1：1立體Pikachu拍照區等，仲有大家最期待嘅Pikachu見面會同Pikachu跳舞表演，好「滾動」啊！

屆時仲有6款Pokémon遊戲等緊大家嚟挑戰，包括《幸運拉到寶》及《森夜捉迷藏》等，完成後有機會獲Pokémon貼紙，仲有電子遊戲區，可玩到最新嘅Pokémon遊戲。

Pikachu仲會喺5月5至20號，6個周六及周日同大家見面，總共搞18場見面會，而喺5月26號至6月10號，6個周六及周日可與6隻Pikachu一齊跳舞！