基仔被古太歌聲迷倒

古巨基（基仔）將為免費音樂平台舉辦的《2018 K歌新Sing》擔任星級評審，他昨日到中環出席啟動儀式，並大爆古太Lorraine有時偷偷唱他的歌，細聽之下發覺聲底不錯，更偷錄了她的歌聲。至於會否公諸同好，就要等古太話事。

古巨基昨日一身潮人打扮，穿上闊袍大袖外套，而皮帶長到幾乎落地，基仔笑言︰「其實同太太一齊諗嘅，始終要了解潮流，不過去廁所就麻煩啲，當然好睇最緊要。」

基仔在台上自爆近日經常聽到Lorraine唱歌，問他覺得古太的歌聲如何？他笑謂︰「又唱得唔錯喎！佢唱咗首我嘅舊歌《心跳回憶》。（你畀幾多分？）似偶像派歌手囉，但係無偶像派外形，佢似我盞鬼又坦白。」

為演唱會積極練舞

會否考慮在下月演唱會偕老婆上台合唱？基仔直言太太把聲早已被他私有化，之前偷偷錄低古太的歌聲，都有跟公司同事分享。大家的反應都是希望他在演唱會上播放出來，基仔即笑指︰「我驚變咗廁所位。」

基仔又透露刻下正積極練舞，滿意自己有些舞步扭得不錯，連古太都讚。記者笑問他的舞步是原地跳還是離地勁跳？他說今次真的跳得勁，古太每次都在旁細心欣賞，又稱老婆每次讚他就似媽媽讚個仔一樣，十分搞笑。

採訪︰Pauline

編輯：陳禮恒

美術：梁政敏