都市農莊5月登場 化身綠色新蒲點

愈來愈多人重視綠色生活，葵芳新都會廣場嘅露天廣場5樓，好快就變成為一個綠色新蒲點，事關呢度有個都市農莊，將會喺5月1日正式登場，佔地約13,000呎，每逢星期一至日朝早10點至晚上8點全天候開放，每年會種植超過40種農作物，真係好似置身城市綠洲！

呢度仲會有「低碳生活農墟‧市集」同埋「都市農耕體驗（導賞及工作坊）」，市民可以親手體驗農作物收割，等忙碌嘅上班族可以去商場體驗都市農耕樂趣之餘又減減壓。黛安知道，場內嘅食肆都會響應活動推出Farm-to-Restaurant餐單，用農莊嘅作物製作期間限定健康菜式，有得玩又有得食，真係好吸引呀！