沙田18黑松露炒龍躉球

沙田18毋須任何人推銷，好嘢始終得人客賞識，凱悅酒店縱使位於馬料水大學站旁，不預早訂位，想walk in？除非非常特別冷清的日子，正常情況下幾乎必定緣慳一面！

在廣州從事飲食的港燦老行尊，早在三數年前已專程回港入住沙田Hyatt，一日起碼兩餐︰早餐和晚餐，連吃幾天，目的是吃清楚行家的成功成果︰既富傳統品味又不失創意驚喜的出品。

好朋友陳小姐愛上望吐露港、馬鞍山並八仙嶺風景，頗具度假feel兼交通方便的凱悅，為符合成為永久VIP會籍，年中來住60日，經常惠及我們游水玩樂度周末，還有酒店內各式餐廳提供的不同飯菜。沙田18是首選，環境優雅，不失人氣，食物極少讓嘴刁友惡評，從飲茶點心、中式下午茶到晚飯都滿意，遇節慶、壽宴劃出特別空間擺幾圍又得。陳小姐去年生日，設三圍，朋友們吃得、玩得不知多暢快。

今年自己牛一，不如周末入住享山海景色的沙田Hyatt，周六擺三圍，讓朋友柴娃娃。結果36人，人人盡興，尤其吃食方面，真箇滿意程度百分百。炒龍躉球上桌，滿目香極唐芹，還有黑壓壓一片一片，連食家教授都以為是黑蒜片，更懷疑邊有咁大隻蛤乸隨街跳，點會用咁多黑松露片炒魚？事實勝於雄辯，的確是如假包換黑松露厚切，香噴噴到不得了，龍躉球肉厚嫩滑，人人讚不絕口，還是前菜與美味北京填鴨之後，隨後的菜式一道勝一道，真叫我們喜出望外！

（本欄逢周三至五刊登）