網友嫌成日提舊愛 詩詠唔介意被呼「唐姨」

唐詩詠和洪永城分手後又復合的新聞一而再傳出，可是這個「不能錯過的女友」唐詩詠最近卻慘遭網民圍攻，指她借舊愛洪永城博見報，詩詠揚言不會為這小事而嬲，熟悉自己的人就會明白。

唐詩詠、郭偉亮及曹星如昨日出席餐廳活動，穿上紅裙騷美腿的詩詠最近愛上運動，起初比較辛苦，但愈做愈有成功感。她自覺看起來很纖瘦，其實有些「鬼祟肉」，加上做運動可以改變思想，令自己做任何事不會輕易放棄。

稱小事不會嬲

談到有網友指她經常提起舊愛洪永城，似是借對方博宣傳，詩詠亦為此留言反擊，她表示︰「我唔會為咁小事而嬲，自己亦喜歡與網友互動交流意見，（但會否唔開心？）畀人誤會係會唔舒服，但有啲人唔明，要包容。」被問可會因這件事而不再提洪永城？她說︰「一直都無提啦，要講嘅都講晒（網友引起罵戰？）唔會再睇啦。」至於有網友叫她「唐姨」，她笑謂︰「我都成日畀我姪女叫姨姨，但我其實係姑姑，幾親切呀。」

採訪︰Pauline

編輯︰黃卉彤

美術︰梁政敏

攝影︰林良明