張家輝張可頤互笠高帽

張家輝執導兼主演的警匪動作片《低壓槽》將於下月初上映，他與有份演出的張可頤日前抵達廣州及東莞為電影造勢。活動吸引不少Fans圍觀，家輝及可頤以粵語跟媒體及觀眾交流，感覺十分親切。二人在席上暢談拍攝趣事，家輝憶述找來張可頤拍攝，笑言相當滿意選角︰「張可頤嘅角色一般會習慣搵男演員，但因為我比較反叛，覺得呢個角色可以搵女演員。我一直覺得可頤係一個好好嘅女演員，好斯文，適合我要顛覆嘅創作理念。」

可頤在旁聆聽着，也向家輝送上高帽，對他讚譽有加。當媒體問及怎樣評價導演身份及演員身份的張家輝時，她答得十分中肯︰「認識張家輝係由演員開始，過咗咁耐佢整個人都成熟咗，跳出演員框框，佢對演員嘅表演亦好敏感、好細膩。」可頤對家輝自導自演給予極高評價。