江若琳開麵館 未婚夫Oscar吻賀

江若琳（Elanne）在深水埗的麵館昨日開幕，未來老公蕭潤邦（Oscar）在場幫手打點，一眾圈中好友如JW（王灝兒）、吳日言及李家鼎亦前來捧場。

Elanne望着招牌亮燈一刻感動到想喊，Oscar說︰「所以我即刻錫咗佢一啖。」記者恭喜二人第一個「BB」出世，追問何時生個真BB？Oscar似有所指地笑說︰「今晚要好好慶祝一下。」但Elanne卻落閘︰「結婚（12月23日）畀我靚一日好唔好？」

Oscar又說，見到這間舖由爛地開始搭出來，每一塊磚都是Elanne所揀，舖內的大海報也是好友幫手影，整件事很有愛。他們又說希望輪流開生煎包店和麵館，問到這間店屬於誰？Oscar即說︰「我哋無分彼此。」

吳日言做兄弟

Elanne為開舖頭去學沖珍珠奶茶，另外她也很感激爺爺親手提字的字畫，因為爺爺已經80多歲，還肯為她寫這幅字畫，所以江爸爸專程返廈門帶回來。至於與老公一同到場的吳日言，與Oscar同期出道，至今認識超過十年，她稍後會為對方婚禮擔任兄弟團成員。

採訪、編輯︰黃卉彤

攝影︰Pauline

美術︰李明