準人妻唔知邊日結婚 苟芸慧︰我鍾意神秘感！

苟芸慧昨日出席護膚品代言活動，手上戴住未婚夫陸漢洋（William）贈送的三卡求婚鑽戒現身。不過準新娘竟然不知道婚禮的舉行日期和場地，就連何時影婚紗相也不知道，認真神奇。

在今年情人節前夕宣布訂婚的苟姑娘，一直都將婚期保密，昨日她聲稱自己也不知道婚禮日子︰「因為全部都係William安排，佢直接同我經理人度期，我淨係知工作排到十月尾。（11月結婚？）我都唔知，佢唔想我擔心，呢一樣都係佢好sweet嘅地方，佢鍾意畀surprise我。」稍後兩人前往紐約為雜誌拍攝婚紗相，反而未知何時影自己的婚照。她說︰「唔知係咪男友同雜誌夾埋，其實係幫我哋影婚紗相。」

想去多倫多擺酒

雖然無從過問婚事，但苟姑娘甜絲絲說︰「件事好神秘，但我鍾意神秘感，覺得好浪漫。好似求婚都係我唔知，但都好浪漫，我好鍾意。」問到會否在香港擺酒？苟姑娘續稱︰「我希望喺多倫多擺一次，因為長輩年紀大，唔想佢哋飛來飛去。」

撰文︰倪小珊

編輯︰李潔盈

美術︰梁政敏