BB體質好啲、抵抗力強啲，父母都輕鬆啲。係人都知母乳係BB最佳嘅營養，奈何喺香港要以全母乳餵哺，並非容易之事，尤其係上班媽媽。要BB身體好，喺揀配方奶粉時，應該要選擇含sn-2棕櫚酸（sn-2 Palmitate）及DHA嘅配方奶粉。sn-2棕櫚酸可以減少BB出現腸胃不適問題，有利吸收重要營養；DHA更可支持腦部發展，亦有助保護視力，係BB成長不可缺少嘅養分。
脂肪係BB主要能量來源之一，脂肪分子係由脂肪酸組成。棕櫚酸係其中一種脂肪酸，佢嘅位置分佈對脂肪酸嘅消化同吸收有好大影響。食開母乳嘅BB，便便顏色一般較黃、質地較軟及鬆散，原因係母乳入面嘅棕櫚酸約70%位於脂肪分子中sn-2位置，容易被吸收。但當BB由母乳轉飲配方奶時，好多時會出現腸道不適，係因為牛奶及大部份配方奶粉只有6%至12%棕櫚酸喺sn-2位置，大部份處於其他位置，奶會同體內嘅鈣結合，產生皂化，令鈣隨BB糞便排出，導致BB嘅便便較硬，甚至引起便秘；同時容易形成不溶性嘅鈣鹽排泄出來，造成鈣和能量嘅流失；而鈣吸收率高低亦會直接影響嬰兒骨骼發育。
天然sn-2棕櫚酸更好
越來越多配方奶粉在產品中人工添加sn-2棕櫚酸，使佢更近似母乳內嘅脂肪酸組成及含量，提高嬰兒對奶粉嘅吸收，減少脂肪酸嘅流失。但事實並不是所有配方奶粉都需要靠人工添加sn-2棕櫚酸，才能接近母乳脂肪酸結構，發現市面上有一羊奶粉就做到含天然sn-2棕櫚酸。正所謂「愈簡單、愈健康」，媽媽應謹慎選擇奶粉給嬰兒食用。
研究發現，飲食中高含量嘅Sn-2棕櫚酸，對提升BB吸收有好大幫助，不但能夠增加礦物質吸收，有利BB骨骼發育，對於牙齒及骨骼發育都有好處。另外，亦可降低脂肪酸皂化和大便硬度，冇咁易便秘，仲有助避免BB嘔奶、脹氣；加速身體對脂肪嘅吸收，為BB生長發育、大腦活動、新陳代謝提供能量。BB吸收好，營養夠，抵抗力強，身體自然健康。
DHA是腦部發育必需
0至2歲係嬰幼兒生長最為迅速嘅階段，專家建議呢個時期應該適量攝取足夠DHA，以滿足BB嘅發育需要。DHA係大腦及視網膜重要構成成份，約佔大腦皮層灰質及視網膜感光細胞30%至40%，能夠促進嬰幼兒腦部組織發育、增強學習及記憶能力，能顯著提高兒童智力發展亦可保護視力。 所以媽媽喺選擇奶粉時，亦應留意DHA含量。
(資訊)