楊文蔚勉在囚人士 「跳高」跨越人生困難

黛安一直都認為，知錯能改，善莫大焉。懲教署噚日就推出咗一套名為「高‧非不可攀」嘅短片，條片就播咗壁屋懲教所青少年廣播節目《淺談更生》嘅片段，部分青少年在囚人士都有份參與製作呢個節目，仲用主持人身份訪問咗香港跳高運動員楊文蔚！

楊文蔚同黛安講，佢係第一次入懲教院所同青少年在囚人士對話，俾佢想像中有紀律，仲話喺訪問過程中，發覺青少年在囚人士同佢細個時嘅經歷有啲似，佢就好幸運可以遇到跳高教練，改變自己嘅人生，而佢就希望在囚人士將來可以搵到自己鍾意做嘅事，行返正路。

楊文蔚仲用跳高比喻人生，「人生係由低開始，跨過咗一關就繼續向上，失敗時就要思考下一場，點樣可以迎難再上。」

節目裏面其中一位青少年在囚人士提到，楊文蔚係「跳高女神」，接二連三突破自己，令佢反思自己只係做錯一次，未來仲有幾十年要行，無理由放棄。黛安睇完條短片之後，都覺得人生充滿咗正能量呀！