男友捲入薯片風波 張寶兒︰唔係好大件事

新一輯《美女廚房》錄影在即，昨日無綫率先安排一班女藝員拍攝MV，包括麥明詩、高海寧、張寶兒及陳凱琳等，眾人更自誇廚藝頂呱呱。張寶兒提到男友袁偉豪（Ben）近日捲入「薯片先生」風波，她認為只是小事一樁，希望事件盡快平息。

袁偉豪日前到戲院睇《復仇者聯盟3︰無限之戰》，因鄰座觀眾開薯片膠袋聲浪大，於是他禮貌地提出輕聲一點，結果遭不禮貌對待，前晚該「薯片先生」終於向Ben道歉，事件暫告一段落。Ben女友張寶兒帶笑稱︰「其實唔係好大件事，純粹少少誤會，有時藝人出街，好難每刻話自己好nice。（薯片先生道歉？）我唔係當事人，Ben自己都交代咗。」

拒閃婚為袁父沖喜

Ben近日忙於工作，仍經常抽空探望患癌症的爸爸，問寶兒會否考慮與男友結婚沖喜一下？她直言︰「唔會，結婚係好認真嘅事，唔可以逼大家做衝動決定。」此外，有傳寶兒舊愛想箍煲，她帶笑否認︰「我哋已經放低咗，嗰次我參與一個節目，事先唔知道講呢個topic，令大家有好多忖測，呢個係一個好好嘅回憶，我哋仍一直保持朋友關係。」

高Ling力銷自己娶得過

同場的高海寧（高Ling）在上輯《美女廚房》獲封「美女廚神」，她笑說今次參賽信心十足。問她平日會否跟男友鄧智偉玩煮飯仔？高Ling笑言︰「我通常等食。（男友廚藝叻？）我叻啲！不過佢最叻豉椒炒蜆、炒蟹、蒸魚；我就整豉油雞，所以我一定娶得過！」

至於麥明詩則自言曾一個人在外國讀書，所以煮中西餐也難不到她，最拿手炮製四川風味炒牛肉及口水雞，又識得開蠔，相當厲害。她又指曾下廚煮瑤柱蛋白炒飯給男生試食，結果二人不久便拍拖，笑言識下廚會獲得異性欣賞。

採訪︰Pauline

編輯︰李潔盈

美術︰梁政敏