溫家琪訪慈幼 指導備戰桌球賽

早前代表香港遠赴英國出戰2018年世界女子桌球賽嘅精英運動員溫家琪，前日應「賽馬會優秀運動員獎勵計劃」邀請，去咗慈幼英文學校，同一大班同學分享成為全職運動員，同埋成為世界冠軍嘅奮鬥經歷，黛安都有去湊熱鬧。

當日見到成班同學都全神貫注咁細心聽家琪嘅分享，又有機會同家琪一齊喺桌球枱上切磋球技，家琪仲教啲同學仔桌球基本功，又指導慈幼英文學校桌球隊代表，協助佢哋備戰即將舉行嘅校際英式桌球賽。大家都玩得好開心盡興。家琪當日一身運動裝束打扮，同班同學仔互動十足，同學仔又為精英運動員送上祝福，喺心意卡上寫滿鼓勵同打氣說話。家琪又接受老師頒贈錦旗，佢又贈送親筆簽名桌球畀學校留念。