人氣漢堡店Shake Shack開業 逾300人排隊嘗美食

來自紐約嘅人氣漢堡品牌Shake Shack噚日喺中環ifc開幕，黛安都有去支持，場面非常熱鬧；事關朝早11點先正式開幕，但一大早已有超過300人喺舖頭前面排隊，開幕儀式由Shake Shack首席執行官Randy Garutti主持，佢同黛安講現場氣氛令人好興奮，見到咁多人排隊，覺得好感動，好感謝香港人咁熱烈嘅歡迎。

Shake Shack招牌菜ShackBurger係用100%全天然嘅安格斯牛肉漢堡，而其他人氣食品雞肉漢堡Chick'n Shack同flat-top dogs，亦無加激素同抗生素。

噚日排頭位嘅顧客Thomas Chan同黛安講，佢自從第一次喺電視度見到Shake Shack漢堡就念念不忘，但一直無機會食到，佢噚日特登到場試咗招牌漢堡、熱狗同啤酒等，覺得非常好味，仲好滿足！等黛安都快啲約埋姊妹嚟食先！