毛舜筠被老公兩句話冧暈

出爐金像獎影后毛舜筠（毛姐）和「大小姐」林淑敏，昨日以保健產品代言人身份，出席九龍灣舉行的母親節聚餐，林淑敏更即場向在座母親獻花。毛姐的大女今年不會留港跟她慶祝母親節，但過往兩名女兒都會預錄英文歌送給她，令毛姐甜在心頭。

由於毛姐的大女到外地繼續升學，今年只得老公區丁平和細女陪她共度母親節。問到若由老公唱歌送給她會否更冧？毛姐說︰「老公未唱過歌，應該各有各冧，佢只會簡單一兩句說話。」毛姐表示早前獲頒影后，老公也只是簡單說兩句祝賀，但已令毛姐覺得好浪漫︰「頒獎前佢叫我淡定，佢知我緊張，佢又擔心我，所以呢句『淡定』我都覺得好浪漫。得獎之後問我『高興嗎？』，我知佢都係問埋自己。」當晚陪同毛姐到場的細女則非常雀躍，還投訴爸爸反應冷淡，毛姐則解釋爸爸只是喜怒不形於色而已。

至於七年多前曾患乳癌的林淑敏，近年身體已逐漸康復，笑言希望能活到80歲，與老公好好享受生活。她自言現時每晚都跑步，不過老公跑十分鐘便會見暈，所以不會勉強他陪跑。

撰文︰Pauline

編輯︰李潔盈

美術︰梁政敏