助養兩女一子 黃翠如唔畀囡囡太早婚

黃翠如昨日出席宣明會活動，她三月時隨機構到孟加拉，探望現年六歲的助養女兒芭依，她表示因當地童婚問題非常嚴重，所以特別向「囡囡」訓話，叮囑對方要好好讀書，不要太早拍拖和結婚。

翠如曾助養兩女一子，由於第一個養女已18歲自立，所以目前只助養芭依及一位11歲的孟加拉養子拜諾。翠如昨日分享時，自言出發往孟加拉前，自己只見過芭依的照片，所以笑言見面感覺似相睇。雖然二人相處時間短暫，但翠如已覺得自己似足媽媽，二人爭取時間玩樂，又一起放風箏，但當她要離開孟加拉時，這位短暫媽媽也忍不住流淚。

提到助養一男一女湊成「好」字，她表示申請助養時，完全不能選擇地區、年齡及性別，只是湊巧。她說：「一直以嚟我同兩名助養仔女都有書信來往，見面前都以為佢哋會長得好高大，直至見到佢哋，發覺比想像中矮小，可能佢哋一日一餐，營養吸收唔足夠。拜諾雖然11歲，我仍可以幫助佢繼續讀書。」

想蕭正楠一齊助養

翠如透露此行帶備食物、文具、飾物及水壺等物資給當地兒童，部分物資更是由男友蕭正楠購買：「帶得幾多得幾多，離開時都好難過同依依不捨。」問到蕭正楠可有助養兒童？她說：「我幫佢填咗表，等佢返嚟簽名就得。佢知道當地小朋友面對嘅問題，買咗好多布袋同水壺。我想同佢去探訪，但首先佢要先做咗助養者，今次係一個好好嘅生命體驗。」

有共識先婚後生B

提到翠如獲大會司儀讚賞有潛質做媽媽，問她現實中何時做媽咪？她即笑說：「做媽咪係好偉大嘅事，而且助養同自己養育係兩回事，未到呢個階段，我唔會跳Step，我估我都係先結婚、後生BB。男朋友比我更傳統，佢唔係呢個年代嘅人。」她表示跟蕭正楠有共識，又笑說指大家不要再追問下去，到時機成熟時就會通知大家。

採訪：Pauline

編輯：李潔盈

美術：梁政敏