老公人肉速遞36小時 郭羨妮珍惜一家人團聚

郭羨妮（Sonija）和黃芷晴昨日出席《apm全城瞓身睇足球》記者會，對於足球，兩人同是門外漢，頂多陪另一半睇波。Sonija笑言會跟隨老公捧阿根廷場，芷晴則懶理男友捧哪一隊，她都堅持力撑「足球王國」巴西。

Sonija表示最近多留在香港，而老公朱少杰則在內地工作至八月，本來老公叫她帶女兒前往探班，但被她拒絕︰「佢去咗河北拍劇，當地好熱，沙塵滾滾嘅地方唔好搞我，等佢返嚟。」她指囡囡Kylie本月尾六歲生日，屆時老公都會抽時間返港：「老公會短暫返嚟36個鐘，到時可以聚一聚。」

問到囡囡可有要求舉行生日派對？Sonija表示沒有，但女兒會提出想要學騎馬。原來女兒很久之前已提過，當時Sonija認為女兒還小，答應在她六歲的時候才讓她騎馬，她笑言︰「囡囡遺傳咗老公大膽性格，平日喺屋企最鍾意打觔斗。」

黃芷晴唔渴望男友求婚

同場的黃芷晴自言平日會陪爸爸黃日華睇波，原來昨日是芷晴的28歲生日，問到男友可會給予驚喜？她說︰「唔知呀！之前問佢去邊度食飯又唔肯講，未必有驚喜。」可渴望男友向她求婚？芷晴笑言︰「唔會啩，我身邊好少朋友結咗婚，所以唔恨結婚。」

採訪︰Pauline

攝影︰林良明

編輯：李潔盈

美術：梁政敏