McCafé推限量隨行杯 推動綠色生活

黛安係一個環保咖啡迷，平時買咖啡都會自備咖啡杯。黛安知道麥當勞都好積極響應「綠色生活」，事關McCafé同日本咖啡生活品牌RIVERS合作，喺下周一（7日）起推出限量版隨行杯套裝，套裝包括咗McCafé飲品換領券4張同埋限量版隨行杯一隻。

自備隨行杯 免費升級熱飲

各位環保咖啡迷只要由下周一起至下月13日，自備任何隨行杯，喺McCafé買細杯裝熱飲就可以免費升級至中杯裝熱飲，不過唔包括特濃咖啡同埋樽裝飲品。

公關姊妹仲同黛安講，同日麥當勞App都會推出全新嘅McCafé電子積分卡，等大家可以隨時消費、隨時儲分，同時透過減少派印刷版積分卡，鼓勵大家一齊節省用紙。麥當勞今年內仲會陸續將發泡膠容器改為紙物料，目標喺第三季全面停用發泡膠容器。麥當勞企業傳訊高級總監林婉梅（Wendy）仲話，麥當勞將逐步採用綠色營運方案，推動環境可持續發展。

黛安仲知道，嚟緊星期六（5日）喺旺角花園街19號仲會有McCafé－Be a Barista街頭活動，男神袁偉豪仲會化身Barista同嚟自台灣嘅咖啡大師比賽冠軍林東源比拼沖咖啡，現場一定好有火花！