37歲唔介意閃婚 唐詩詠雪卵做生日禮物

唐詩詠（Natalie）昨日37歲正日牛一，單身的她坦言遇到Mr.Right，不排除會閃婚。至於生小朋友，詩詠自言年紀不小，正考慮雪藏卵子留待日後生B之用，當作是送給自己的生日禮物。

詩詠昨日與森美到太古城出席銀行信用卡活動，雖然生日要開工，但她笑言反而更開心，晚上與家人食飯慶祝。談到生日願望，她表示最重要身體健康，可有男士約會？她笑說︰「無呀，有啲係識咗好耐嘅朋友。（生日願望想搵男友？）呢個唔會係願望之一，最緊要啱Timing。」

單身的詩詠笑言，如遇上適合對象，即使拍拖一年甚至幾個月便閃婚也沒問題。提到她距離四字頭愈來愈近，喜歡小朋友的她可會考慮雪藏卵子，留待日後生B？她笑說︰「其實有考慮過，近年朋友都有講，當係送畀自己嘅禮物，可以諗下！」她笑言不心急做媽媽，又謂年齡只是數字，做藝人即使遲婚也不是大問題。

戥崔建邦開心

問到舊愛洪永城可有約她慶祝生日？她說︰「無呀，我同黃翠如成班朋友約緊，佢應該都喺WhatsApp群組裏面。（佢有無短訊祝賀？）都無喎，你哋幫我鬧佢啦。」至於另一舊愛崔建邦有新歡，她戥對方開心，也祝福對方與女友成家立室︰「大個仔啦，希望係佢最後一個（女友）。」

採訪︰Pauline

編輯︰李潔盈

美術︰梁政敏