袁詠儀 嘆魔童唔重視母親節

袁詠儀（靚靚）前晚出席慧妍雅集晚宴，昨早又到山頂參與《點滴揹水Walk & Run》慈善步行活動，她原本想帶囝囝「魔童」出席，怎料他卻以難得有假期休息為由拒絕了。

袁詠儀表示活動舉辦多年，增強了香港人珍惜食水的意識，但要做得好是一項大工程，希望從小教育珍惜食水。

母親節將至，靚靚卻表示對她沒太大意義，因為兒子「魔童」每朝起床只會搵爸爸。問到多年來兒子是否沒有表示？她續說︰「都有，佢有時都想令我開心，但平時就好少。我都知自己比較嚴厲，佢好似缺少母親節的概念，但父親節就有。」

靚靚唔驚見到陳法蓉

靚靚又爆老公（張智霖）都未必會特別送禮物，「我無所謂，反正唔緊張呢個節日，不過我會送花畀媽咪、契媽、奶奶同埋阿仔嘅契媽。」她解釋囝囝覺得送花只限女朋友，故從來沒想過要送給媽咪。

此外，梁小冰早前出席慧妍活動時，因為沒穿上會服而遭陳法蓉斥責，身為小冰好友的袁詠儀出面力撑。靚靚在晚會上可有跟陳法蓉碰面？她笑言︰「我哋真係無嘢，我對事唔對人，成日問我尷唔尷尬？唔尷尬都畀你哋講到尷尬啦。我唔驚㗎！有個勇字喺度。」靚靚稱當晚只顧與李丞責討論風水命理，沒有機會跟其他人交談，她強調不是那種刻意打招呼的人，但見到面會點頭微笑。

任賢齊為新戲增磅，他表示現時容易氣喘，體能不及以往好。而他提到曾探訪內地偏遠地區，要多次轉機才抵達，當他得知政府大力支持交通等設施，他希望小朋友的生活環境得到改善。

撰文︰Pauline

編輯：陳禮恒

美術：招潤洪