孖仔打交 楊采妮拒做和事老

楊采妮（Charlie）自從誕下孖仔後，一直專心照顧家庭，這位新手媽媽最近更為14個月大的孖仔鑽研小朋友食譜。她笑言自覺正開始另一人生，能夠睇住孖仔成長，深感幸運。

目前定居新加坡的Charlie，前晚特地返港欣賞好姊妹梁詠琪（Gigi）的演唱會，昨天又以嘉賓身份，支持Gigi老公Sergio代理的西班牙童裝品牌NANOS限定店活動，大會更安排一對孖生小兄弟送上鮮花給Charlie，令她倍感親切。Charlie此行逗留三日兩夜，會抽空為孖仔選購服裝，她說︰「以前第一時間會睇自己嘅衫，依家會睇童裝，不過買咗啲衫仔一個着完，會送畀其他朋友嘅仔女，好環保。」

Charlie笑指孖仔已學行，亦已學識叫爸爸、媽媽︰「孖仔好幸福，佢哋天生已有個伴，有時見佢哋用BB話溝通、咬下對方，都覺得好得意。有時見到佢哋搶玩具打交，我任由兩兄弟自己解決，等佢哋學習相處。」

兒子性格各不同

兩兄弟性格各異，哥哥文靜愛觀察，也有跳舞天份；弟弟則是快樂BB，經常很開心，也相當「擦得」，所以Charlie近日研究小朋友食譜，見囝囝食得開心，令她更有動力。她笑言婚後初期，經常煮飯給老公吃，現在全是煮小朋友食物，因而令老公呷醋。「我會叫老公試一啖細路仔嘢食，如果囝囝食唔晒，有老公幫手食，不過我又暫時無考慮出食譜。」

提到會否復出幕前拍戲，Charlie坦言因孖仔早產，出世後第一年要加倍照顧，所以減少了很多工作。「老公支持我做嘢，叫我接多啲出面工作，覺得我會好瞓啲，因為屋企咩都關我事，少少聲我都好緊張。我唔會放棄電影，不過日後可能以幕後工作為主，同埋會再寫電影劇本。」

採訪︰Pauline

編輯︰李潔盈

美術︰熊偉然