額頭大痣變「無限寶石」 薛家燕恨拍《復仇者4》

電影《復仇者聯盟3︰無限之戰》成為全城熱話，但薛家燕竟然有份演出？有網民將家燕姐額頭的招牌大痣，惡搞成片中第七粒無限寶石，家燕姐笑言絕不介意，更想參演《復仇者4》！

《復仇者3》香港上映短短12日，已大收逾1.18億票房，高踞香港史上票房第三位。有網民惡搞家燕姐的劇集片段，剪輯成她被大奸角魁隆奪去額上「無限寶石」的短片，在FB瘋傳。前晚家燕姐錄影《流行經典50年》時笑說：「我睇到《復仇者3》嘅第七粒寶石係我粒痣，覺得好好笑！」她大讚網民甚有創意，又說：「呢粒『寶石』我好細個已經有，媽咪想我脫咗佢，但有高人話粒痣係一盞明燈，叫我唔好脫。」

家燕姐自爆額上大痣會生毛：「粒痣中間有條毛仔生出嚟，本來諗住喺粒痣度打圈，因為啲人話痣上條毛唔好拔走，好彩最後條毛無長到，多謝大家提我呢粒係寶石，套戲本來得六粒，依家有七粒。」她講笑指如果片商找她拍《復仇者4》，一定會考慮接拍：「可能淨係影我粒痣！」

溫碧霞遺憾亡母未能睇騷

同場的溫碧霞為下月舉行的個唱綵排，她坦言遺憾已故母親未能欣賞其演出：「我好掛住媽咪，可惜佢睇唔到個騷，但相信佢都會感到安慰。」

撰文︰Pauline

編輯︰李潔盈

美術︰招潤洪