黛安
黛安

eShop率先響頭炮 一田購物日又到 人氣產品2折起

發佈時間: 2018/05/08

eShop率先響頭炮 一田購物日又到 人氣產品2折起

黛安最近日日都睇住個日曆,皆因半年一度嘅一田購物日就到啦!10間分店會喺今個月24至28號起,而eShop就搶先喺聽日至下星期二(9號至15號),以2折起推出超過300款人氣產品,每日仲有限定Character萌物,聽日就有蠟筆小新全棉印花床品套裝,任何尺寸均一價299元咋,限售300套,要買就趁手啦!

今次「一田購物優惠日eShop率先搶」嘅網上陣容好龐大,有一向非常受歡迎嘅床品,包括MONCHHICHI高針全棉床品套裝,單人至加大都係均一價賣399元,低至45折,聽日第一日就有得買,限售260套!而周五就有LINE高針全棉活性印花床品套裝,一樣賣399元,限售510套。仲有Sanrio經典角色旅行篋,好似HELLO KITTY 28吋4輪拉桿篋加旅行收納袋套裝,原價要2,370元,依家38折899元就可以帶番屋企,限售50套,好吸引啊!

黛安最想搶到嘅,係首次推出禮服幪面俠造型家居服,同美少女公主造型家居服,睇相都已經覺得勁靚!公關姐妹話,呢兩款家居服係今個星期四嘅限量產品,美少女限售190套,68折後賣259元,而禮服幪面俠就限量70套,65折後賣219元,兩套加埋500元有找。

大家喺eShop(eshop.yata.hk)血拼完,可以加38元揀順豐站自取或送到屋企。如用一田信用卡,單一訂單簽帳每滿900元,就有25元即時折扣;以恒生信用卡單一訂單簽帳每滿1,000元,就有25元即時折扣,每張訂單最多有100元折扣,多簽多賞!

撰文: 黛安 消息特靈八卦公關
欄名: 八卦名利場